A-kenya aria marahamurithirio guikara keheri-ini thiku ingi 14 gutetia thirikari


A-kenya aria maigitwo keheri-ini mikawa-ini na mathukuru ngurani guku Nairobi ni matetetie ikinya ria thirikari gwathana maikare kuo ciumia ingiri iri.

Minister wa ugima wa mwiri wa muingi Mutahi wa Kagwe araheanire mwerekera ucio akiuga ni gukurikanite ati amwe ao ni maratukanaga na maya gukorwo magwatitio murimu wa Covid 19.

Aria maaritie na Inooro ruciini na njira ya mwanya, maugite ni meguthii ngarama nene, guku makiuga ti othe marakirukire mawatho ma thirikari mari keheri-ini, thutha wa kuuma mabururi-ini ma ugeni-ini.

Nginyagia riu kuri na andu igana ria mirongo iiri na atandatu aria manyitikanite na murimu ucio guku bururi-ini.

Kungi nakuo thiini wa thi ikuu cia murimu ucio riu ikinyite andu ngiri mirongo itandatu na inya.