Bero mar ringre MCA ma Kahawa Wendani mosenindo Cyrus Omondi ichano tim kawuono mar yango adieri ewii gima di nyocha kel thoo mare.

Ringre Omondi ne omolo e thurka otieno ma piny orugo kawuono kowuok e boma ma Mumbai e piny India kuma nyocha othoe ka nyocha orik gin e limbe e piny India kuno kaka komiti marango yore somo e county ma Kiambu. Ne okwanye mana e ot kama ne oninde e magawa moro e piny India kuno.

Ringre sani ni e kar kano ringre ma lee funeral home kama nyo otere bang’ kanyo osegole e alap mar ndeke ma JKIA

Familia mare to kod jopiny mawuok e ward ma Kahawa Wendani nyo jochopo e kar kano ringre ma lee kanyo kanyo ringre odonjo kendo kuyo kanyakla.

Gavana mar county ma kiambu migosi James Nyoro okwayo jopiny mondo jobed kod horuok ka nonro dhii nyime ewii thoo mar mcano ma thurka ni e county ma Siaya kendo ma yande oyier gi otiko mar Jubilee e kiambu kono e higa 2017; ibiro paro ni ne okwongo otemo manyo komno ma Kahawa Wendani gi otiko mar ODM e higa 2013 to kata kamano ne ok oyudo.

Seneta mogwel Isaac Mwaura bende okone jotim nonro ni otiek nonro kendo yango gima okelo thoo mar Omondi ma yande ne ni e opara ma nyime e kedo gi weche mibadhi e countyno ma Kiambu.