Kakenyor kiyagik chekikakichor eng komosta nebo Transmara.


Stolen cows from Narok west recovered in Transmara East.

Kokenyor tuga sisit eng tuga taman ak agenge chekikakichor eng kokwetab Olengabori eng warditab Mara eng sub kaunti nebo Narok cherongo eng kaunti nebo Narok eng kwoeng kazi eng sub location nebo Kiribwet eng komosta nebo Transmara kongasis.

Kamwa kirwokindetab location nebo Emarti ak nebo warditab Kapsasian yekongongalalchinin sirikab logoiwek kongewektoi tuga koitchi chi nebo bol kochupto ine chorset ak kokon koyomiset nebo keipchi kerkonyiet ichek chetinyegei ak chorset.

kamwa kole nga tomo kenam bik chekitinyegei ak chorset komwa kole takobetiotin tuga somok.

kailos ine bikab kokwetab chekimuch kokon logoiwek chekitoret kenyor tuchato.

Ends